РУС 
ҚАЗ 
Бүгін Талдықорған агро техникалық колледжінде "Ауған асуында от кешкендер" атты Ауған соғысының ардагерлерімен кездесу өтті. Кездесу Ауған соғысында қаза тапқандарды бір минуттық үнсіздік жариялап еске алумен басталды. Кездесу барысында ардагерлер соғыста көрген қиыншылықтарын айтып, жастарға тәлімі мол тағлым айтты. Жастар да санасындағы сауалдарын қойып, тұщымды жауап алды.
Батылдық пен ерліктің тамырын дөп басып, табиғатын таныған тұлғалармен жүздесіп, сұxбаттасу - жастар үшін өмірлік өнеге болды.
Шара соңында жастар ауған соғысы ардагерлеріне алғыс айтып, қолдау білдірді. Олардың айтуынша: "Жүрегімізде жарқын естелік, ұрпақ үшін шынайы мақтаныш, өзінің азаматтық және интернационалдық борышын абыроймен орындаған, бүкіл әлемге өз Отанына риясыз қызмет етудің үлгісін көрсеткен ардагерлер ерлігі мәңгі есте қалады".
