«Бір түп алма ағашы»

22.04.2019ж. Бикен Римова атындағы облыстық драма театры Талдықорған агро - техникалық колледжі студенттеріне Әлімбек Оразбековтың «Бір түп алма ағашы»
драмасын колледж сахнасында қойды.Күтімсіз гүл де солады, ағаш та қурайды.

Мейірім нәрін молынан сіңірген мәуелі ағаш жемісін көбірек салады. Күретамырдан тараған қуат күшін әр бұта өзіне қажетті мөлшерде ғана қабылдай алмаса, жапырақ сарғаяды, бұта да сынады, алып ағаш та құлайды. Адам да солай… Береке - бірлік, татулық болмаған отбасында жүректің жылуы қайдан болсын?! Тағдырмен күресу үшін, таусылмас күш, талмас қажыр - қайрат керек. Адамдар ержетіп, шаңырақ көтеріп бөлек шыққан соң бір-бірінен суынып, бауырлар бөтенсіп кетуі керек пе? Ондай заңды кім шығарды?!

Әлде, бұл – табиғаттың заңы ма?.. Олай болса, ондай заңның көк тиынға керегі не?!..»

Міне, осындай сұрақтардың жауабын оқиға төркіні бір отбасының төңірегінде өрбитін «Бір түп алма ағашы» драмасынан алдық.